遙遙與楠楠

我班外甥仔女真係冇得頂! 可愛到死! 真係搞到我好想生BB!

你睇下楠楠呢兩相! 我真係俾佢笑死! 點會同套衫好夾到咁! 哈哈!!


(左) 似足佢老豆﹐經紀咁款! (右) 仲望! 想打呀?

(左) 跟本就係一張廣告相! (右) 好少女呀!

(左) 天生明星臉 (右) 女人味~ 女人味~

女人的身份這樣美~ 不再兒嬉! (你睇下佢仲要左腳踏右腳﹐幾迷人!)

酥皮湯

主要係我媽咪好想見下我整嘅酥皮湯 - 於是我就再整影張相俾我媽咪睇喇!

好靚架 - 圓碌碌成個菠蘿飽咁架!

刷牙嘅問題

我早排有一次牙痛嘅問題 - 好神奇! 我係突然一早起身刷牙時無情情陰陰痛! 但係唔刷嘅時候又乜事都冇喎! 於是就睇牙醫啦﹐佢話我刷牙時太大力﹐令到有隻牙有小小嘅神經線露咗出嚟。 正所謂 - I have a nerve on it! 所以刷牙時就痛囉! 跟住佢就用D假牙肉補咗個位就冇事喇。 佢仲叫我用小童用嘅牙刷嚟減輕我刷牙嘅力度! 話事話﹐幾好用﹐幾易刷! 真真正正做倒向上刷向下刷喇! 平時用成人用嘅牙刷﹐其實好難"向上刷~向下刷~"﹐我"只好放任胡亂刷"! 哈哈!

幾個月嚟﹐我同排牙相安無事! 早兩個禮拜﹐由於隻手指傷咗﹐刷牙時冇乜力。 於是就用咗枝新嘅成人牙刷﹐問題就即刻嚟喇。 我昨日朝早刷牙﹐無情情有一隻牙又陰陰痛! 情況同上次一樣﹐唔刷又冇事! 我即刻知又係同一個問題! 又要去睇牙醫! 仲要立刻去買番枝小童牙刷﹐真刻做錯小小嘢都死!

有一樣嘢我點都唔明﹐我喺香港日日都係拎住隻成人牙刷早晚係咁刷! 點解又冇事! 一嚟咗丹麥就出兩次事呢! 我一定要揾出個原因!

愛爾蘭咖啡煮法

見大家都有D興趣﹐就見大家分享下啦! (真係試下整啦﹐好浪漫架!)個人認為第一次可以跟足個分量﹐但係第二次就可以跟自己口味轉下個份量喇!
點火呢個步驟係好煩﹐但係佢好重要! 唔點杯嘢就唔好飲!
由於英文係原著﹐我都放埋喺呢度喇!

材料:

• 一對愛爾蘭咖啡杯 (其實我試過﹐只要用一對透明厚身玻璃杯﹐用嚟飲熱嘢用嘅就啱架喇!
• 兩小杯 espresso (冇就用普通咖啡! 會冇咁好飲! 歐洲有種 espresso brewer 好平好易用架! 叫人買啦! 只係 HKD120!)
• 兩指厚嘅 Irish Whiskey - Jameson or Bushmills (男人實識! 唔識就飛咗佢啦! 都唔係男人嚟架!)
• 兩匙啡糖 (多小就自己試下自己口味)
• 用cream再加白糖打成 whipped cream。 打到"杰"就得架喇!
  

步驟:

1. 我都同意作者嘅建議 - 預備好哂D嘢至開始整。D打起咗嘅cream入一入雪櫃一兩分鐘仲好!
   
2. 倒D whiskey 同 啡糖入個杯度 - 唔洗攪架喇!
3. 佢會叫你用espresso steamer整熱杯"酒加糖"! 十秒就搞點! 但係﹐我地呢D窮人當然冇呢部espresso機﹐咪用一大碗滾水﹐再放兩隻杯落去﹐"坐熱佢囉! 好似"坐"熱BB奶槫D奶咁! 見倒D糖熔熔地就得喇。
4. 跟住就用火柴點一點著D酒。要小心﹐酒精火係透明架! 你一放落去近咗D酒就會有一小聲"撻"﹐咁你就好縮手喇! 幾秒就夠喇! 揾個碟蓋住個面十秒左右﹐入面冇哂氧氣個火就會熄架喇! 唔知熄未架話﹐就用枝火柴試下佢會唔會點著左。
5. 跟住就可以倒咖啡入去喇! 倒到3/4。 剩1/4空間就用嚟放先頭打起嘅 cream。

The Recipe

• One Irish Coffee glass (preferably with shamrocks and a gold rim),
  failing that, any smallish glass about 5 or 6 fl. oz.
• One long shot of good espresso
• Two fingers of decent Irish Whiskey (Jameson or Bushmills)
• Two tablespoons brown sugar
• FRESH heavy cream, laced with a dollop of white sugar, beaten until it's the consistency of custard, but not whipped to fluffiness. In Madrid they refer to this heavy thick sweet cream as "nata".

Procedure

1. Have everything prepared and ready before you start assembling as time is of the essence. Get your nata prepared and keep it nice and cold.
2. Pour the whiskey and brown sugar into the Irish Whiskey glass together.
3. Then use the espresso steamer to heat the whiskey until it is good and hot and the brown sugar is dissolved, about eight to ten seconds.
4. CAREFULLY put a match or lighter to the glass and flame the whiskey for a few seconds. This adds a "je ne sais quoi" to the flavor, and cuts down the alcohol, bringing the caffeine and alcohol into perfect balance.
5. Pull your shot, and dump it into the whiskey/brown sugar mixture. Between the espresso and the whiskey, your glass should be about 3/4 full (that's why you don't want to use a real big glass).
6. Carefully lay down a carpet of the "nata" over the warm coffee/whiskey mixture right to the top of the glass. Then, before the nata gets warmed up, enjoy the cool, rich cream juxtaposed against the hot, strong coffee/whiskey.

減唔減肥好呢?

昨日我買咗個磅﹐ 原來喺我嚟咗丹麥呢半年竟然肥咗十五磅呀! 我都知自己肥咗﹐但係估唔倒肥咗咁多! 真係唔知點解D衫咁都仲著得落? (我係唔買 over-sized 嘅衫架!) 點解照鏡自己會唔覺嘅? (我真係知道自己肥咗 - 但係真係唔覺咁多喎!) 當然﹐我唔會覺得個磅有問題啦。 自已知自己事﹐過去半年三餐都食得飽飽又成日夜"麻麻"同老公一齊食雪糕。 (冇錯﹐為咗 keep fit﹐我喺香港成日都三餐食唔飽架!) 再加上我自己煮飯﹐成日都唔捨得掉咗食剩嘅嘢﹐所以成日都食埋剩咗嘅嘢!

於是我昨晚就對住我老公發哂誓話今日要開始減肥! 只要識我有五年以上嘅人都知﹐我呢D減肥經驗老到嘅人﹐當然乜都唔會嚇倒我啦! 點知 - 今朝一早就收倒屋企人寄俾我嘅包裹。 開心到暈﹐入面有我最愛嘅中秋月餅﹐豆豉鯪魚同乾瑤柱 (用嚟煮粥)! 最重要當然係月餅啦 - 佢十月中就過期架喇! 唔食點得呀! 我為有快D食哂佢至再開始減肥啦! 呵呵~~~

好邪的碟啊!!!

早排買咗本英文煮食書係教煮亞洲食品嘅。 中間有幾頁係教煮中菜嘅﹐仲係煮茶葉旦! 本來都幾開心﹐點知見倒佢用嚟 display 隻旦個碟﹐我真係眼都大埋! 你睇下就知點解! 好邪呀!! 當堂對本書冇哂信心。

名貴的剪刀

我老公買咗一把專剪家禽嘅剪刀 - 港幣約 500 元! 佢嘅特點係全把剪刀都用 stainless steel 同埋可以拆開哂嚟洗﹐咁就唔會有D地方洗極都洗唔倒。 可用一世架! 為咗用佢﹐我地立刻買咗隻雞嚟焗啦! 我亦立刻創作咗一個新食譜 - 蜜糖迷迭香焗雞! 又真係剪得幾整齊嘅! (又冇大菜刀﹐冇計啦! 俾個鬼佬叻一次咁大把啦!)

非常好味﹐D汁撈落個薯仔度好正! 我仲好好心機咁整埋個凱撒沙津﹐你睇下個樣幾健康! ^_^

因為隻雞太大隻﹐我地又得兩個人﹐所以就食咗兩晚。 第二晚就出事喇! 因為要再整沙津﹐我又要磨芝士。 點知變咗磨手指﹐磨咗一大"忽"肉。 真係好痛!!! 我真係唔記得上次"傷得咁深"係幾時! 頭又洗唔倒﹐又不停流血! 見倒個傷口第一眼嘅時候﹐我仲暈咗。 唔知係因為痛﹐還是係因為第一次見倒自己流咁多血﹐所以驚到暈。 當我最係"女人最痛"嘅時候﹐我老公仲要補多句 - 比較起生仔﹐你家下呢個痛算得乜吖! 佢真係癲架!

Aalborg Zoo 動物園

冇錯﹐我地去咗動物園! 好大好大﹐真係會行到好攰。 足足三個鐘先完成一圈﹐我地每一個點都唔係停低好耐架喇! 同香港唔同嘅地方﹐當然係佢地地方好大﹐所以每一種動物都有好多隻﹐唔會怕冇伴。 各自都有好大空間﹐同埋各自都有一個獨立屋﹐冬天落雪唔會凍親。

呢隻暝想中嘅猩猩有冇令你想起邊個﹐冇嘅話﹐你就再睇多一次我個 blog 啦!

長頸鹿係唔算好特別﹐ 不過我未試過一次過咁近見咁多隻嘛! 全場共有十二隻! 影唔倒入一張相!



最特別係北極熊 - 第一次見! 唔知點解﹐真係好好睇!
佢地共有三隻﹐同其他動物有一個好大嘅分別。 就係 - 佢一D都唔臭!





最後﹐有一隻好靚嘅鳥﹐ 叫 Flamingo。 唔知中文叫乜呢。。呵呵!

愛爾蘭咖啡

星期五晚﹐突然心血來潮想飲愛爾蘭咖啡。 喺丹麥﹐一般嚟講﹐最快最方便係自己整。 所以﹐我就上網揾咗一個自稱 The World‘s Best Irish Coffee 嘅 recipe 嚟整喇。 當然﹐ 大家可以唔洗擔心材料呢方面﹐ 因為酒 (Irish whisky)﹐espresso 同 cream 喺我屋企係一定唔會缺架! 冇咗佢地﹐ 我老公點做人呀? 如果要佢(連埋我)選擇其中一樣嘢唔要的話﹐我肯定佢唔洗諗就決定唔要我! 有時﹐聞倒佢杯酒會令我想起我阿"女麻"﹐因為我阿"女麻"食飯﹐成日都要o答番杯"長頸鹿"﹐尤其係有燒肉食嘅日子。 我記得陣氣味因為我食飯成日坐我阿"女麻"隔離!

講番杯愛爾蘭咖啡﹐的確係唔錯。 唔知係咪全世界最好﹐不過係我同佢認同飲過嘅最好。 即使我地咁業餘嘅人都整倒杯好飲過我喺街飲嘅﹐呢個 recipe 真係唔錯。

後記: 製作過程中﹐要點火嚟減小酒精成份同 caramelize o的啡糖。 一點火後﹐十秒左右﹐我隻杯就"click"咗一聲。 整熄火後﹐發現我隻杯竟然好整齊咁裂咗一個圈! 我老公話"一定係唔夠酒啦。。。"﹐因為我落得少酒過佢。 我就覺得呢個係部份原因﹐ 不過唔係全部! 星期六﹐我地再整﹐我無可奈何都落多咗酒﹐ 燒完之後倒俾佢先至落 espresso。 佢當然好歡迎我呢個做法啦!