窮人煮魚

我老公揾咗本煮嘢食書出嚟﹐話呢本書個書名係窮人煮食法! 呢本書係佢仲係學生嘅時候﹐去買書o個陣間書局送嘅。 個汁好好笑﹐基本上係將所有屋企剩咗少少又唔捨得掉嘅蔬菜攪埋一齊就得喇! 呢個正係我地屋企嘅情怳。 跟住就咁淋上啲三文魚度再攞去焗說掂喇! (三文魚喺呢度係普通價錢嘢喇架咋!) 睇下相啦! 都幾好味架! 夠食兩餐﹐所以都算抵!

知道喇! 我成日唔放自己相吖嘛! 放一張早幾日影嘅相俾你地睇喇! 我開始肥咗少少喇! 可能因為識應咗啲嘢食啦﹐ 所以要開始小心啲飲食喇!

香港女性唔洗驚喇!!!!!

好搞笑! 一路都話"到達適婚年齡"嘅香港女性比男性多出24萬人﹐搞到香港男仔懶"腦定"咁。 點知原來係政府擺烏龍﹐ 計埋啲外藉女嫞 - 共約23萬人﹐ 所以"到達適婚年齡"嘅香港女性比男性只係多出1萬人咋!!!! 哈哈﹐大家咁高咁大!!!

不過﹐估都估唔到外藉女嫞竟然有成23萬人咁多。。。

發脹的 Memory Stick

好有趣嘅產品! 一個會隨住你用咗嘅 memory 嚟發脹嘅 memory stick! 呢個 idea 真係唔錯。 我成日喺公司都懶叻咁攞支 memory stick 出嚟用﹐點知成日都 full 咗。 幫唔倒忙﹐仲要拖慢咗人地散會嘅速度。 不過﹐作為一個業內人士﹐我可以話你知﹐恨下好喇! 我諗佢都幾難大量生產﹐有排等!

http://www.plusminus.ru

炒車

星期六炒咗單車﹐好痛架! 我自己轉彎轉唔切﹐撞咗上路牌。親身感受到學咗好耐嘅撞激力

Momentum = Mass x Velocity

今日先留意倒原來"瘀"成咁! 我老公幫我影呢張相﹐竟然連我啲"橙皮紋"都影埋! 叫佢影過張﹐佢話太多﹐點都避唔倒。 想死呀佢! 不過點都好﹐"橙皮紋"係我肥過又瘦番嘅証明! 我都做得到~~

八月廿十八日 野生嘅蘑菇!

呢批相其實係上星期日影嘅! 不過一直都未諗倒寫乜﹐好似好悶咁! 所以依家決定用簡單文字﹐大家主力睇相啦! 當日我同我老公去咗佢老豆個農場嘅後山度行﹐又有好多第一次發生咗。 第一次發現原來樹大唔單止可以遮陰﹐仲可以擋雨! 當日我地行山好大雨﹐ 不過我地一路行都好多大樹﹐所以我地居然都冇乜點濕。

一路行﹐見倒我一生第一次見倒嘅野生嘅蘑菇。 好多! 係唔算好特別﹐不過我第一次見倒佢喺地上面又滿地都係! 好卡通嘅場面! 有好幾隻都好大隻架﹐唔知有幾大嘅話﹐望下我隻行出鞋做對比啦!

跟住再行就見倒一個令我異常"起雞皮"嘅場面 - 見倒一個"人咁高"嘅蟻丘! 我老公明知我乜蛇蟲鼠蟻都怕﹐佢叫我行埋啲望﹐跟住我見倒原來有好多蟻喺個丘面! 好恐佈! 啲蟻都係歐洲SIZE﹐好大隻架!

跟住就行番入佢老豆個農場嘅範圍﹐見倒好多藍啤梨! 我老公話唔洗特登種﹐啲種子自己飄嚟自已生到週圍係! 我都摘咗好多﹐冇洗就食! 終於明白農夫點解對自己嘅嘢食得咁放心。 真係諗唔倒有乜好驚! 一路行一路即摘即食﹐真係好好味!!

八月二十六日 香蕉旦糕

今日無無聊聊﹐又想食啲好肥嘅嘢! 見倒屋企有幾隻好"貴"嘅香蕉﹐當然唔好浪費﹐一於google下有乜香蕉旦糕recipe啦!

咁好彩﹐要用嘅嘢屋企全部都有﹐即刻開始做啦! 唔係講笑﹐焗咗15分鐘就已經好香喇! 等到45分鐘﹐一開爐真係香到不得了! 好成功﹐我老公食到 lam lam 脷! ^_^ 睇下相啦!

不過﹐啲嘢一自已由零開始做﹐就知佢有幾肥。 呢個旦糕﹐我足足落咗280g糖。 如果用嚟煮餸﹐我諗夠用冇半年都有三四個月!

八月二十四日 結婚 Quarter-versary!!

今日係我同我老公結婚嘅 Quarter-versary!

即係乜? 即係一季紀念日囉! 拍完 Season 1。 開始 Season 2 喇! =) 為咗興祝﹐我老公調製咗杯 Bloody Mary 嚟興祝我地嘅 Bloody Life!! 嘻嘻!

至於我過去幾個月生活成點? 睇下我老公幾 cute 你就知我唔會悶啦! 一部好勁嘅電腦加一個好專業嘅樣 ---- 打 Pingu Game!! 得閒無事就會擺出呢個 mediating - 暝想 - 嘅樣! 唔想洗碗!!!! >_<

八月四日 花生醬多士

一朝早﹐好黑仔! 搽咗件花生醬多士﹐點知跌咗落地﹐仲要係花生醬o個面落地! 真係激死我呀!

八月二日 突然感性

由於搬屋嘅關係﹐呢排成日睇倒好多好多舊嘢! 話舊都唔係真係好舊﹐都係一啲當日由香港搬過嚟﹐但係之後又冇掂過嘅嘢!


見們一本 Calvin & hobbes﹐呢本係我同我老公當日喺香港一齊睇嘅! 通常都係佢臨上機之前﹐我地就會喺機場嘅 Pacific coffee一齊睇! 見番呢本書﹐突然發現過去嘅生活係幾咁辛苦同無耐。 唔明點解咁我地都過倒﹐仲意志大到要結婚生仔! 今日我地能夠結倒婚又住埋一齊﹐真係兩個人嘅努力至可以成事。 雖然唔容易又犧牲咗好多嘢﹐仲有好多考驗嚟緊添﹐但係我都覺得自己幾幸運。 點都算做倒自已想做嘅事啦!