英國的水龍頭

好耐冇寫 BLOG 喇! 唔係真係好忙﹐ 只係冇乜特別好寫﹐ 再加上又要出 trip﹐不停咁喺 google 度揾個啲地址喺邊﹐最近邊個機場同酒店﹐最緊要係揾埋點去同要用幾多時間﹐ 跟住又要自己 book 機票同酒店。 我知聽落都唔辛苦﹐不過人生路不熟又要獨立﹐我真係覺得好攰。每晚都轉酒店又每朝都要執行李。。。。

剛剛呢個星期﹐我就去咗紐卡素兩日! 我只係知佢喺英國同埋有支球隊﹐但係其實真係唔知佢喺邊! 原來佢算係蘇格蘭一部份架喇。。。我依家每次出 trip﹐通常去到酒店就唔出去直到第二朝去見客。但係今次﹐我無論幾攰都好﹐死都去咗一次書局﹐仲揾間最大嘅。 我實在好耐冇去過一間書局係有大把書俾我買! 丹麥啲書局﹐通常得一個書架係英文﹐啲書又唔係好啱睇! 今次﹐我就好開心咁買咗好多﹐啲書仲要係平過香港架添呀!

不過﹐英國啲水龍頭真係奇怪。 正常啲洗手盤﹐梗係一個熱水制一個凍水制﹐跟住就同一個水龍頭出! 但係佢地啲洗手盤﹐熱水同凍水係分開兩個水龍頭出架﹐即係你係唔會有機會有溫水用架! 係咪好古靈精怪呢?